Қоғамдық орында бетті тұмшалау заңға қайшы

Жыл басынан бері елімізде 1200-ге жуық адам бет-жүзді тануға кедергі келтіретін киімдерді кигені үшін жауапкершілікке тартылды. Адамның түр-сипатын көзбен тануға кедергі келтіретіндей дәрежеде бетті жабатын киімдерді кию құқық бұзушылық болып саналады. Тек ауа райы қолайсыз жағдайларда және медициналық ұсынымдарға қатысты қолданылмайды. Сондай-ақ қызметтік міндеттерді атқару, спорттық және мәдени іс-шараларға қатысу кезінде де тыйым салынбайды. Бұл ретте алғашқы құқық бұзушылық үшін ескерту қарастырылған. Бір жыл ішінде қайталанған жағдайда 10 айлық есептік көрсеткіш мөлшерінде айыппұл салынады.