Мемлекеттік кеңесші Қазақстан тарихының көптомдығын әзірлеу жөнінде жиын өткізді

Мемлекеттік кеңесші Ерлан Қарин Қазақстан тарихына арналған көптомдық академиялық басылымды әзірлеу мәселесі бойынша кеңес өткізді. Жиынға редакциялық алқа мүшелері қатысты. Кеңесте «Қазақстан тарихы: ежелгі дәуірден бүгінге дейін» атты академиялық еңбектің алғашқы алты томын баспаға дайындау барысы туралы есеп берілді. Сонымен қатар жиында маусым айының басында өтетін келесі редакциялық алқа отырысына дайындық мәселелері талқыланды. Онда Тәуелсіз Қазақстан кезеңіне арналған қорытынды жетінші том қаралады.