Қостанайлықтар Тобылдың бойын жарыса тазалады

Қостанайда жастар Тобыл өзенінің бойын тазалаудан өзара жарыс ұйымдастырды. Экологиялық акцияға түрлі мекеме қызметкерлері мен еріктілерден жиналған 10-нан аса команда қатысып, сайысқа түсті. Басты мақсат – сұрыптау мәдениетін қалыптастырып, тұрғындардың табиғатты қорғауға деген жауапкершілігін арттыру. Жарыс соңында ең көп қоқыс жинаған командаларды марапаттау рәсімі өтті. Экологиялық іс-шара нәтижесінде жағажайдан жарты тоннаға жуық қалдық шығарылды.