Жер қойнауын пайдалануға 729 лицензия берілген

Елде жер қойнауын пайдаланудың Бірыңғай платформасы арқылы 729 лицензия берілді. Бүгін Астанада өткен баспасөз брифингінде Өнеркәсіп және құрылыс министрінің орынбасары Жәннат Дүбірова  жер қойнауын пайдаланудың Бірыңғай платформасын белсенді дамып келе жатқанын айтты. Қазір платформа арқылы 20-дан аса мемлекеттік қызмет көрсету түрі толық автоматтандырылған. Былтыр жер қойнауын пайдаланушылар тарату міндеттемелері бойынша есептің 89 пайызын электронды түрде тапсырған. Алдағы кезеңде министрлік электронды өзара іс-қимылды одан әрі кеңейтіп, келіп түсетін деректер сапасын арттыруға басымдық беруді жоспарлап отыр.

Бүгінде платформа арқылы 22 мемлекеттік қызмет көрсету түрлері автоматтандырылып, қолжетімді болып отыр. Сонымен қатар электронды аукциондар мен жазылу бонусын онлайн төлеу тетіктері де іске қосылды. Қазіргі уақытта 729 лицензия берілді. Цифрлық формат қағаз құжат айналымын азайтып, қызметтерді жедел алуға мүмкіндік береді.