Мектеп бітіру кештерін мейрамханаларда өткізуге тыйым салынды

Мейрамханаларда, кафелерде және банкет залдарында мектеп бітіру кештерін өткізуге тыйым салынды. Оқу-ағарту министрлігі бұл талапты алғаш рет арнайы бұйрықпен бекітті. Жұлдыз Сүлейменова 11-сынып түлектеріне аттестат табыстау рәсімі 17-18 маусымда тек мектеп қабырғасында өтетінін мәлімдеді. Сонымен қатар ата-аналардан заңсыз қаражат жинауға да шектеу қойылды. Бұл талаптарды бақылауға әкімдіктер мен ішкі істер органдары тартылады. Талаптың күшейгені тегін емес. Себебі соңғы жылдары түлектер кеші артық шығын, даңғаза, бәсекеге айналып барады. Ал бұл жағдайды барлық ата-ананың қалтасы көтере бермейді. Еске салайық, биыл елімізде 4 миллионға жуық оқушы оқу жылын аяқтады. Оның 215 мыңнан астамы түлек.

Бүгінгі таңда дәл осындай бұйрық болмады. Не себепті? Бәрімізге бітіру кештерінде балаларымызға тең мүмкіндік қарастыру. Даңғаза осындай бітіру кештерін өткізуге байланысты. Енді әрі қарай құзірет жергілікті атқарушы орган әкімдіктерде және  ішкі істер органдарында. Олар өздерінің қабылдаған заңнамасы аясында жүзеге асырады.