ІІМ: Ұрланған телефонды сатып алған адам да жауапқа тартылады

Ұрланған телефондарды сатып алғандарға қылмыстық жауапкершілік бар. Бұл – ІІМ-нің ескертуі. Биыл полицейлер смартфондарды қолды қылған 700-ден астам күдіктіні ұстаған. Сондай-ақ ұялы телефон жымқырумен айналысқан 12 қылмыстық топтың жолын кесті. Тағы 900-ден астам қылмыс ашылған. Қолды болған телефондар иелеріне қайтарылды. Нәтижесінде жыл басынан бері ұялы телефон ұрлығы 40%-ға төмендеген. Десе де құзырлы орган өкілдері азаматтарды қоғамдық орындар мен көлікте жеке заттарына мұқият болып, сақ жүруге шақырады.