Автокортеж ұйымдастырған түлектердің ата-анасы жауапқа тартылды

Алматыда автокортеж ұйымдастырғаны үшін 21 түлектің ата-анасы жауапқа тартылды. Полицияның алдын ала ескертуіне қарамастан мектеп бітірушілер көліктің терезесінен шығып, жолда бейберекет қозғалып, қауіпсіздік талаптарын бұзған. Бұл туралы қалалық Полиция департаменті хабарлады.

Олардың мәліметінше, 21 түлектің заңды өкіліне бала тәрбиесіне салғырт қарағаны үшін айыппұл салынды. Сондай-ақ кортежде пайдаланылған бірнеше көлік айып тұрағына қойылды. Ал жүргізушілерге жол ережесін өрескел бұзғаны үшін бес әкімшілік хаттама толтырылды.