Қазақстан – Ресей: Білім мен ғылым байланысы артып келеді

Қазақстан мен Ресей арасындағы білім және ғылым саласындағы әріптестік жаңа деңгейге көтеріліп келеді. Соның бір көрінісі – халықаралық стандарттарға сай, заманауи талаптарға жауап беретін бірлескен кадр даярлау жобасы. Бұл бағытта Астанадағы Мәскеу институтының филиалы халықаралық қатынастар, экономика, құқық және дипломатия салалары бойынша мамандар даярлауға үлес қосып келеді. Басты мақсат – еңбек нарығы сұранысына бейімделген, бірнеше тіл меңгерген, жаһандық үрдістерді түсінетін кәсіби кадр қалыптастыру.

Оқу ордаларымыздың барлығында бір диплом, білім сапасы тең, жұмыс тәртібі бірдей болғанымен елдің сұранысына қарай бағдарлама өзгешелеу. Өйткені біз Қазақстанның нарығын, сұранысын зерттедік. Қазір халықаралық қатынас, экономикаға қажетті мамандар дайындап бастадық. Болашақта Қазақстан экономикасының драйвері болады деп анықталған бағыттарға басымдық береміз. Мәселен туризм, медиа, ғылым, логистика салаларындағы бағдарламамызды бастаймыз деген жоспар бар.