Қостанай облысы мектептерінде «Заң мен тәртіп» қағидаты түсіндірілді

Қостанай облысының мектептерінде «Заң мен тәртіп» қағидаты аясында ата-аналар жиналысы өтті. Кездесуге 20 мыңға жуық ата-ана мен құқық қорғау, төтенше жағдайлар және денсаулық сақтау саласының мамандары қатысты. Жиында жасөспірімдер арасындағы қылмыстың алдын алу, нашақорлық, лудомания және интернетке тәуелділік сынды бірнеше өзекті мәселелер қозғалды. Сондай-ақ ата-аналарға жазғы демалыс кезінде бала қауіпсіздігіне ерекше мән беру қажеттігі ескертілді.