Қазақстан мен Жапония арасында бизнес жобалар көбейеді

Отандық компаниялар жапондық кәсіпкерлермен, жасыл энергетика, айти бағытында бірлескен жоба бастайды. Астанада қос тарап арасында серіктестік орнатуға арналған жиын өтті. Оған біздің елден 80-ге жуық кәсіпкер, Жапониядан 5 ірі компания басшылары келді. Сондай-ақ жиынға Токио губернаторы Юрико Коикэ қатысты. Ол екі ел арасындағы сауда-экономикалық байланысты нығайтуға мүдделі екенін жеткізіп, алдағы уақытта осындай іс-шараларды көбейтуді жоспарлап отырғанын айтты.

Қазақстанда жасанды интеллект, жаңартылған энергия көздері жақсы дамығанын білеміз. Бүгінгі іс-шараны нетворкинг алаңы деуге болады. Екі елдің кәсіпкерлері осы жерде, дәл қазір келіссіз өткізеді. Нәтижесінде экологияға, экономикаға тиімді бизнес жобалар қолға алынады. Бұл Жапония үшін де, Қазақстан үшін де тиімді деп ойлаймыз. Сауда-экономикалық байланыс нығая түспек.