Қамысты ауданында 2 мыңға жуық малға екпе тек қағаз жүзінде салынған

Қостанай облысының Қамысты ауданында 2 мыңға жуық малға екпе тек қағаз жүзінде салынған.
Заңсыздықты аудандық прокуратура қызметкерлері тексеріс барысында анықтады. Сондай-ақ есепте 537 мал басы артық көрсетілген. Бұдан бөлек төлдерді вакциналау мерзімі мен екпе дозасына байланысты да заңбұзушылықтар анықталды. Нәтижесінде 8 лауазымды қызметкер әкімшілік жазаға, 12 адам тәртіптік жауапкершілікке тартылды.
Нұрсұлу Пряхина, облыстық прокуратураның ресми өкілі:

1910 бас малға екпе салынды деп жалған ақпарат берілген. 20 мыңнан астам доза малға арналған дәрілерді сақтау және тасымалдау нормалары бұзылған. Мемлекетке келген 744 мың теңге шығын қайтарылды.