Азаматтардың шоты ескертусіз бұғатталмайтын болды

Енді қазақстандықтардың шоты ескертусіз бұғатталмайды. Азаматтарға алдын ала eGov және SMS арқылы хабарлама жіберіледі. Мәжілісте шоттардың бұғатталатыны немесе шетелге шығуға тыйым салынатыны туралы алдын ала міндетті түрде хабар беру тетігі ұсынылды. Қазір көбі мұны тек шоты бұғатталғаннан кейін ғана біліп жатады. Жаңа жүйе пилоттық режимде жұмыс істей бастады. Атқарушылық жазба рәсімделген сәтте борышкерге автоматты түрде SMS-хабарлама жолданады. Нотариустардың жұмысына қатысты заң жобасында жақын туыстарына қызмет көрсетуді шектейтін норма да бар.

Заң жобасымен жеке сот орындаушыларымен, микроқаржы ұйымдарымен және өзге де қатысы бар тұлғалармен байланыстылық фактілерін болдырмау үшін қосымша шектеулер белгілеу ұсынылады. Атап айтқанда, жақын тустық немесе өзге де тәуелділік болған жағдайда нотариаттық әрекеттер жасауға тыйым салуды көздейді.