Эбола вирусынан сақтанудың тәсілдері түсіндірілді

Денсаулық сақтау министрлігі қазақстандықтарға шетелге шыққанда Эбола вирусынан сақтанудың негізгі шаралары жайында ескертті. Ең бастысы - сапар кезінде сақтық шараларын ұстанып, жеке бас гигиенасын сақтап, дер кезінде медициналық көмекке жүгіну дейді мамандар. Сондай-ақ, сапарға шығар алдында баратын елдегі эпидемиологиялық жағдаймен алдын ала танысып алған жөн. Шетелден оралғаннан кейін денсаулық жағдайын бақылауда ұстап, қандай да бір белгілер пайда болса дереу дәрігерге қаралған дұрыс. Эбола вирусы жұқтырған адам немесе жануарлармен тығыз байланыс кезінде, олардың биологиялық сұйықтықтары арқылы беріледі.