Қарағанды облысында 1 млн 200 мың гектар алқапқа дән септі

Қарағанды облысында 1 миллион 200 мың гектар алқапқа дән себілді. Ауыл шаруашылығы басқармасының мәліметінше, егіс даласына қазір 22 мыңнан астам техника жұмылдырылған. Былтыр өңір диқандары 1 миллион тоннадан астам астық жинады. Бұрын бидай егілген алқаптардың бір бөлігіне майлы және мал азығына арналған дақылдар егілді. Сонымен қатар картоп пен көкөніс өсіруге де басымдық берілді. Бұл ішкі нарықты отандық өніммен қамтамасыз етуге толықтай мүмкіндік береді, дейді мамандар.

Сырым Бошпанов, облыстық Ауыл шаруашылығы басқармасы басшысының орынбасары:

Егіс науқанының 52 пайызы дәнді-дақылдар себілді. Картоптың 78 пайызы, майлы дақылдардың 54 пайыз алқабы себілді. Қазір туындаған қиындық жоқ. Облыс деңгейінде шұғыл штаб жұмыс жасайды.