Келесі жылы түркі елдері бірлесіп жасаған спутник ұшырылады

Келесі жылы түркі елдері бірлесіп әзірлеген спутникті ғарышқа ұшырады. Бауырлас мемлекеттердің бейресми саммитінде Қазақстан цифрлық болашаққа арналған стратегиялық көзқарасын таныстырды. CubeSat-12U ғылыми-технологиялық спутнигінің жобалануы мен жалпы құрастырылуына қазақстандық ғарыш мамандары жауап береді. Өзбекстан тарапы қозғалтқыш қондырғысын әзірлесе, Түркиядан келген серіктестер жобаны күн панельдерімен және бағдарламалық жасақтамамен қамтамасыз етеді. Жер серігін келесі жылы ұшыру жоспарланып отыр. Бұл жоба түркі мемлекеттерінің технологиялық әлеуеті мен ортақ амбициясының айқын көрінісі болмақ.