Р.Бағланова атындағы байқаудың жеңімпаздары марапатталды

Роза Бағланова атындағы халықаралық вокалдық байқаудың жеңімпаздары марапатталды. Ән додасына 137 үміткер қатысуға өтініш беріп, финалға 20 өнерпаз іріктелді. Түркия, Өзбекстан, Тәжікстан және Қырғызстаннан да өнерлі жастар қатысты. Ән сайысына көрнекті өнер майталмандары қазылық етті. Бас жүлдеге 1 жарым миллион теңге, екінші орын иегеріне 1 миллион, үшінші орынға 350 мың теңге табысталды. Одан бөлек, номинация иегерлеріне Роза Бағланованың отбасының атынан бағалы сыйлықтар тарту етілді.

Мұнда талантты қатысушылар көп. Қарсыластарымның бәрі шебер өнер көрсетті. Сол 135 мықты үміткердің ішінен тек 20 қатысушы іріктелді. Мен олармен бір сахнада ән айтқаныма, осындай мүмкіндік алғаныма қуаныштымын.