Бидай мен күрішті әдеттегіден 3 есе тез өсіруге болады

Енді бидай мен күрішті әдеттегіден 3 есе тез өсіруге болады. Әлемге әйгілі биолог Род Винг Қазақстанға келіп, отандық ғалымдарға жылдам әрі мол өнім беретін сұрыптарды шығару, өсіру жолын көрсетпек. «Осылайша Қазақстан бұдан былай шетелден тұқым сатып алмайды. Селекция арқылы ең сапалы сұрып алуға көмек беремін», - дейді ол. Ғалымның инновациясы өз елі - Америка да кеңінен қолданылады екен. Жасанды интеллект, соңғы үлгідегі технологиялар пайдаланылады. Жоба Род Винг қызмет ететін Аризона университетімен серіктестік негізінде жүзеге аспақ.

Род Винг, ғалым, Аризона геномика институтының директоры:

Қазақстанға осымен екінші рет келіп отырмын. Мұнда ғалымдардан құралған командам қалыптасқан. Оның ішінде қазақстандық биологтар да бар. Біз бірлесіп жаһандық проблемалармен күресетін технологияларды енгіземіз. Бұл жолы күріш өсіретін инновацияны қолға алмақпыз. Ол өндірісті дамытып қана қоймай, су үнемдеуге де көмек береді.