Түркістан облысында жасанды жаңбыр технологиясы іске қосылады

Түркістан облысында жауын-шашынды жасанды жолмен шақыратын технология іске қосылады. Аталған жоба 17 мамырда жұмысын бастайды. Осылайша Қазақстан өңірде жасанды жаңбыр технологиясын пайдаланатын алғашқы ел болмақ. Бұл туралы Президенттің Біріккен Ұлттыр Ұйымы Дүниежүзілік метеорология ұйымының президенті, Біріккен Араб Әмірліктері Ұлттық метеорология орталығының бас директоры Абдулла Әл-Мандусты қабылдауында белгілі болды. Тараптар климаттық мәселелерге назар аударып, жаһандық деңгейдегі су қауіпсіздігі мен су ресурстарын басқару мәселелерін шешудің өзектілігін талқылады. Мемлекет басшысы Қазақстанның БАӘ Ұлттық орталығымен өзара байланысты арттыруға дайын екенін растады.