Зейнетақы жинағындағы шекті меже қайта есептеліп жатыр

Зейнетақы жинағында қалуы тиіс шекті сома өседі. Қазір есептеу жұмыстары жүріп жатыр. Еңбек және халықты әлеуметтік қорғау министрінің бірінші орынбасары Ербол Тұяқбаев осылай деді. Қазір оның межесі қай уақытта және қай деңгейге көтерілетіні нақты белгісіз. Ұлттық банк және басқа да мемлекеттік органдармен жүргізіліп жатқан есептеу жұмыстарының нәтижесі бойынша шешім қабылданбақ. Біздің негізгі міндетіміз – азаматтарымызды қартайған шағында лайықты зейнетақымен қамтамасыз ету, - деді бірінші вице-министр.