Түркияда Қожа Ахмет Ясауи атындағы мектеп ашылды

Қазақстан мен Түркия президенттері онлайн Қожа Ахмет Ясауи атындағы мектептің ашылу рәсіміне қатысты. Білім ошағы Газиантеп провинциясының Нурдагы қаласында орналасқан. Заманауи ғимарат мамандандырылған оқу кабинеттерімен, зертханалармен, мәжіліс залымен, кітапханамен жабдықталған. Жалпы ауданы – 6 мың шаршы метр. Мұнда 32 бастауыш және 4 мектепке дейінгі сынып/ қарастырылған. Сондай-ақ  амфитеатр, спорт және балалар ойын алаңдары мен қазақтың ұлттық киіз үйі стилінде жасалған шатырлар бар.  2023 жылдың 6 ақпанындағы жойқын зілзаладан зардап шеккен өңірге арналған жаңа мектеп салу бастамасын Қазақстан Президенті Қасым-Жомарт Тоқаев ұсынған еді.