Семейде жас журналистер өзара сынға түсті

Абай облысында қазақтың белгілі жазушысы, журналист және қоғам қайраткері Сұлтан Оразалы атындағы байқау өтті.  «Тіл тағдыры – ел тағдыры» атты бәсекеге ең үздік 19 оқушы қатысып, тележүргізуші, тілші әрі мақала авторы ретінде бақ сынады. Тікелей эфир форматында сұхбат алып, шеберліктерін байқатты. Сұлтан Оразалының өмірі мен шығармашылығын зерттеп, сөз саптау шеберлігі мен сахна мәдениетін көрсетті. Жастардың журналистикаға қызығушылығын арттырып, кәсіби бағыт беретін байқауда үздіктер марапатталды.

Болашақта мен журналист боламын. Ең бірінші ол адамдардан қорықпауы керек және халық алдында ашық сөйлесе білуі керек. Ең бастысы – еркін сөйлеу қажет, ешқандай жасандылық қажет емес деп ойлаймын.

Балалар жан-жақты ізденіп, дайындалып келген. Мысалы, мен балалардың кіп-кішкентай болса да, адамдарды, жалпы қоғамды ойландыратын, біздің қазақ руханиятына сай келетін өзекті мәселелерді көтеріп отырғандарына тәнті болдым. Проблемаларды жан-жақты ашуға тырысқан.