Қазақстан мен Түркия – түркі бірлігінің тірегі

Бүгінде Қазақстан мен Түркия арасындағы стратегиялық серіктестік тұтас түркі дүниесін ұйыстыруға ықпал етіп отыр. Талай жылдан бері қос ел саяси, экономикалық және мәдени-гуманитарлық жобаларды бірге ілгерілетіп келеді. Ортақ бастамалар көлік дәлізінен бастап, білім, энергетика және ақпарат саласына дейін кеңейіп жатыр. Сарапшылардың айтуынша, дәл осы Астана мен Анкара арасындағы ынтымақтастық – түркі интеграциясының негізгі қозғаушы күшіне айналды.

Түркі халықтары ретінде біздің ең кемінде 6 ғасырдан бастап ортақ тарихымыз бар, ортақ мәдеиетіміз бар. Түркі мемлекеттері дүниесінің бірлесуінің ең үлкен орысша айтқанда «двигателі-моторы» - Түркия мен Қазақстан арасындағы ынтымақтастық. Екі үлкен күш, екі үлкен ресурсқа бай мемлекет  солай бірге жұмыс істегенде бәрінің жұмыс істеуіне қолайлы болады.