Түркі мемлекеттері экономикалық кооперацияны күшейтуге келісті

Түркі елдері саяси ықпалдастықпен қатар сауда-өнеркәсіптік кооперацияны дамытуға уағдаласты. Жаңа мүмкіндіктерді тиімді пайдалану жолдарын талқылауға арналған бизнес-форумға мемлекеттік органдар, қаржы институттары, сауда-өнеркәсіп палаталары, халықаралық ұйымдар және бизнес қауымдастық өкілдері қатысты. Ұйымға мүше елдердің жалпы халқы 170 миллионнан асады. Әр мемлекеттің өнеркәсіп, көлік және аграрлық саладағы әлеуеті жоғары. Ендігі міндет – осы мүмкіндіктерді біріктіріп, әлемдік нарықтағы бәсекеге қабілеттілікті арттыру. Бұл бағыттағы алғашқы қадам ретінде бірқатар меморандумға қол қойылды.

Қазыбек Шайх, «ҚР Ұлттық кооперативтер және экономикалық қоғамдастықтардың басқа да нысандары қауымдастығы» ЗТБ президенті:

Түркі елдері бірлесіп, кооперация, кәсіби кооперация, тұтыну кооперациясы осы бағыттарды дамыта отырып, бір түркі елдес мемлекеттердің жалпы дүниежүзілік бәсекеге қабілетті ұлғайтып, дамытып, тұрақты экономика құруға мүмкіндігіміз бар. Ең басты тәсіл - оған біздің Президентіміз айтқандай кооперацияны дамыту.