Қызылордада 16 жастағы студент жатақханада ауыр соққыдан көз жұмды

Қызылордада медициналық колледждің студенті жатақханада өлі күйінде табылды. Алдын ала мәлімет бойынша, 16 жастағы жасөспірім ауыр соққыдан көз жұмған. Осы оқиғаға қатысты қылмыстық іс қозғалды. Жасөспірімді ұрып өлтірді деген күдікпен  жоғары курстың студенті қамауға алынған.

Жәбірленушінің өліміне әкеп соққан денсаулыққа қасақана ауыр зиян келтіру дерегі бойынша қылмыстық іс қозғалды. Күдікті оқиға орнында ұсталып, уақытша ұстау изоляторға қамалды. Қазіргі уақытта болған оқиғаның барлық мән-жайын жан-жақты, толық және объективті анықтауға бағытталған сотқа дейінгі тергеп-тексеру әрекеттері жүргізілуде.