Түркі инвестициялық қоры Қазақстандағы жобаларға қаржы бөледі

Түркі инвестициялық қоры Қазақстандағы алғашқы жобаларды қаржыландыруға кіріспек. Қор бірлескен бастамаларды қолдауға кемінде 20 миллион доллар бөледі. Бұл туралы Премьер-министрдің орынбасары Серік Жұманғарин Түркі мемлекеттері ұйымының бизнес-форумында айтты. Қазір ұйым Алматы халықаралық әуежайы инфрақұрылымын жаңғырту жобасына қатысуға мүдделі. Бұдан бөлек агроөнеркәсіп саласындағы бірлескен жобалар, логистика және цифрлық платформаларды дамыту мәселесі қарастырылып жатыр.