ДДСҰ: Хантавирустың кең таралу қаупі төмен

Хантавирустың кең таралу белгілері байқалған жоқ. Дүниежүзілік денсаулық сақтау ұйымының басшысы Тедрос Адханом Гебрейесус осылай деп мәлімдеді. Бұған қоса вирус табылған круиздік кемеде болған жолаушыларды қадағалау жалғасып жатқанын да жеткізді. Осыған байланысты алдағы апталарда хантвирусты жұқтырудың жаңа деректері пайда болуы мүмкін екенін де ескертті. Ұйым басшысының мәлімдеуінше, вирусты 9 адам жұқтырған. Тағы екі кісі тексеріліп жатыр. Науқастардың барлығы дәрігерлердің жіті бақылауында.

Тедрос Адханом Гебрейесус, ДДСҰ бас директоры:

Дәл қазіргі сәтте вирус өршиді деген қауіп жоқ. Әрине жағдай өзгеруі мүмкін. Вирустың инкубациялық кезеңін ескерсек, алдағы күндері жұқтырғандардың саны да көбеюі мүмкін.