Таразда тозған құбырларды ауыстыруға ₸2 млрд бөлінді

Таразда 4 шағын ауданның жылу желілері 70 пайызға тозған. Соның салдарынан қыста баспаналарға жылу жеткізу қиынға соғады. Мәселен, «М3» магистральды желісі 49 жыл бұрын салынған. Жобалық жарамдылық мерзімі 25 жылға арналған нысан әлдеқашан ескірген. Бірақ сонда да қолданыстағы қырық жамау құбырмен қыс мезгілінде 100-ден аса көпқабатты үй мен әлеуметтік нысандарға жылу жеткізіледі. Бірақ желілер жиі жарылатындықтан, коммуналдық қызмет мамандарын әбігерге салып келді. Енді магистральды құбырларды бүтіндеу жұмысына 2 млрд теңге бөлінді. Бүгінде 1,4 шақырымдық  құбырдың тең жартысы жаңаланды. Ал қысқа дейін қалған бөлігі ауыстырылады. 

Қазір демонтаж жұмыстары жүріп жатыр. 26 сәуір күні басталды. Ескі құбырлар алынады, диаметрі 500-дік орнына жаңа құбыр қойылады. Заманауи, бүгінгі талапқа сәйкес құбырлар қойылады. Сырты изоляциямен зауыттан қапталған.