LRT осы аптада жүретін болды

Астанадағы ЛРТ осы аптада іске қосылады. 16-17 мамырдан бастап көпшілік көптен күткен жеңіл рельсті көлік ел игілігіне берілмек. Ұзындығы 22,4 км, 18 станса бар. Ол Нұрсұлтан Назарбаев халықаралық әуежайы, Қабанбай батыр даңғылы, Ботаникалық бақ, «Абу Даби Плаза»  және Министрліктер үйі, сонымен бірге Қалдаяқов көшесі, Ұлттық музей, «Нұрлы жол» теміржол вокзалы сияқты қаланың негізгі көшелері мен аудандарын қамтиды. Қуанышты жаңалықты City Transportation Systems компаниясының басқарма төрағасы Асылбек Дүйсебаев мәлім етті. Ауқымды жоба Астанадағы қоғамдық көлік инфрақұрылымын жаңғыртып, жолаушылар тасымалының сапасын арттыруға бағытталған. Жүрдек пойыз таңғы 6-дан, түнгі 11-ге дейін жұмыс істейді.