Үстел теннисінен Әлем чемпионаты Қазақстанда өтеді

Теннистен Әлем чемпионаты Астанада өтеді. Лондондағы додада Халықаралық үстел теннисі федерациясының туы ресми түрде Қазақстанға берілді.  Осылайша, еліміз спорттың бұл түрінен әлем чемпионатын қабылдайтын Орталық Азиядағы алғашқы ел атанбақ. Ауқымды жарыс келесі жылы өтеді. Барлығы 1250-ден астам спортшы, бапкер, төреші келеді деп жоспарланған. Бес спорт түрі болады. Қазақстан қабылдаушы ел ретінде әр санатта қосымша квота алмақ. «Бұл турнир еліміздің халықаралық аренадағы рөлін нығайта түседі», дейді сарапшылар.