Премьер-министр облыс активіне жаңа әкімді таныстырды

Мемлекет басшысының тапсырмасымен Премьер-министр Олжас Бектенов, Қызылорда облысының активіне өңірдің жаңа әкімін таныстырды. Президент Жарлығымен аталған аймақ басшылық ету міндеті Мұрат Ергешбаевқа жүктелді. Премьер-министр Президенттің атынан бұған дейін аймақты басқарған Нұрлыбек Нәлібаевқа өңірдің әлеуметтік-экономикалық дамуына және азаматтардың өмір сүру сапасын жақсартуға қосқан елеулі үлесі үшін алғыс білдірді. Сондай-ақ Президенттің жаңа әкім алдына бірқатар басым міндет қойғанын атап өтті. Айта кетейік, облыс әкімі лауазымына екі кандидат ұсынылған еді. Ашық дауыс беру нәтижесінде, депутаттардың 19% Ардақ Зебешевке дауыс берді, 81% -ы Мұрат Ергешбаевтың кандидатурасын қолдады.