Конституциялық заңдар талқыланды

Құрылтайға ресми саяси статус беріледі. Ол енді жиын ғана емес, қоғам пікірін билікке жеткізетін нақты механизмге айналады. Ал сайлау туралы заң күшіне енгеннен кейін кандидаттарға қойылатын талап және науқанды өткізу ережелері жаңарады, дейді депутаттар.

Ғалиасқар Сарыбаев, ҚР Парламенті Сенатының депутаты:

Құрылтайдың жұмыс істеу регламенті, Конституциялық заң жобасы жан-жақты талқыланды. Депутаттың мәдениеті, оның мәртебесі туралы мәселелер бүгін күн тәртібінде болды. Әдеп жөніндегі уәкілетті орган құрылады. Ол фракция мүшелерінен тұратын болады. Ол сайланады.  

Руслан Рүстемов, ҚР Парламенті Сенатының депутаты:

Бұл халықтың билікке деген сенімін арттыру мақсатында қабылданып отырған заң деп айтуға болады. Президенттің өкілеттілігі айқындалды. Ол 1 мезгілге және 7 жылға сайланады. Оның жақын туыстары мемлекеттік секторда жұмыс істей алмайды деген қағидаттар белгіленді.