Батырлар аллеясына ағаш отырғызылды

Жеңіс күні қарсаңында Ақтөбедегі Батырлар аллеясы мен Жеңіс саябағына ағаш отырғызылды. Жалпы, көктем басталғалы шаһарда «Таза Қазақстан» акциясы аясында 14 мың көшет егілген. Оның екі мыңнан астамын өңірдегі ірі кәсіпорындар берді. Алдағы екі жыл ішінде жасыл желекке демеушілердің өзі күтім жасайды.  Бүгін әкімдік қызметкерлері мен табиғат жанашырлары үш саябақ аумағына жүзге жуық ағаш екті. 28-інші наурызда басталған екі айлық тазалық науқаны аясында қала аумағында 5 сенбілік өтті. Оған 14 мыңнан астам адам қатысқан.

Сағындық Тілеуімбетов, Қалалық ТҮКШ бөлімінің инспекторы:

Алма ағашы, можевельник, черемуха деген талдарды егіп жатырмыз. Спонсорлар өздері суарып, әрі қарай баптау жұмыстарын жүргізетін болады.