БҚО-да интернет-алаяқтар тыйылар емес

Батыс Қазақстан облысында жыл басынан бері алаяқтар тұрғындарға 429 млн теңге залал келтірген. Төрт айда 206 интернет-алаяқтық дерегі тіркелді. Әсіресе жұмыссыздар, зейнеткерлер мен жеке компания өкілдері күдіктілердің құрығына жиі түсіп отырған. Алаяқтар инвестиция салу, онлайн тауарды сатып алу, онлайн несие беру бағытында банк, құқық қорғау қызметкерлері ретінде хабарласып немесе мессенджерді бұзу арқылы айласын асырып келген. Полиция қызметкерлері осы уақытқа дейін 7 дропперді ұстады. 116 қылмыстық іске байланысты заңды шешім шығарылған.