Экологиялық жауапкершілік Конституциямен бекітілді

Қоршаған ортаны қорғау – бүгінде қоғамдағы өзекті мәселелердің бірі. Бұл бағытта Конституцияда әр азаматтың табиғатқа ұқыпты қарау міндеті және экологиялық жауапкершілігі нақты айқындалған. Ал 2021 жылы қабылданған Экологиялық кодекс саладағы талаптарды күшейтті. Құжатқа сәйкес, ірі кәсіпорындарға жаңа технология енгізу, автоматтандырылған бақылау жүйелерін орнату және экологиялық ақпараттың ашықтығын қамтамасыз ету міндеттелді. Мұндай бастамалар қоршаған орта қауіпсіздігін күшейтіп, экологиялық мәдениетті қалыптастыруға негіз болады. Жаңа талаптар олардың орындалуына кепіл болады дейді мамандар.

Үш тараптан қарайтын болсақ, бір жақтан мемлекет бақылауды күшейтетін болады деп есептеймін. Екінші жағынан бизнес экологиялық мәселеге дұрыс қарап, дұрыс технологиялар енгізіп, өзінің жауапкершілігін арттыратын болады. Және ең соңғы мәселе азаматтар, қоғам тарапынан бақылау мен қоғам тарапынан талаптар күшеюі мүмкін деген, осындай өзгерістер болады деген ойым бар.