Қытайдағы жарылыстан 21 адам қаза тапты

Қытайдың Хунань провинциясында фейерверктер шығаратын зауытта жарылыс болды. 21 адам қаза тауып, 61-і жарақат алған. Оқиға орнына 500-ге жуық құтқарушы, өрт сөндірушілер мен дәрігерлер жіберілген. Іздеу-құтқару жұмыстарына роботтар да тартылды. Тағы жарылыс болуы мүмкін деген қауіп бар, сондықтан жақын маңдағы тұрғындар эвакуацияланған. Жарылыстың неден болғаны әзір белгісіз. Қытай төрағасы Си Цзиньпин жан-жақты тергеу жүргізуді, зардап шеккендерге көмек көрсетуді тапсырды.