Криптовалюта мен цифрлық активтер заңдастырылды

Елімізде цифрлық активтерге ресми түрде рұқсат етілді. Бұл туралы Ұлттық банк өкілдері хабарлады. Жаңа заңнамаға сәйкес, цифрлық активтермен қатар, криптовалюта және цифрлық форматқа айналған қаржы құралдары қолданысқа енгізіледі. Бұл инвесторлар үшін жаңа мүмкіндіктерді ашып, қаражат тартудың баламалы көздерін ұсынады, дейді мамандар. Ал цифрлық активтер криптобиржалар мен айырбастау платформалары арқылы қолжетімді болады. Қазірдің өзінде 30-ға жуық ұйым пилоттық жобаларды іске асырып жатыр. Олардың бірқатары лицензия алып, ресми қызметін бастады, дейді Ұлттық банк өкілдері.