Алматыдағы жол апаты: Тергеу алдағы екі аптада аяқталады

Алматыдағы әл-Фараби даңғылында болған жол апаты бойынша тергеу аяқталуға жақын. Іс аясында қажетті сараптамалардың басым бөлігі жиналған. Ішкі істер министрінің орынбасары Санжар Әділовтің айтуынша, алдағы екі апта ішінде тергеудің аяқталғаны ресми түрде жарияланады. Іс қорытындылары қоғамға бөлек хабарланбақ. Еске салайық, 21 наурыз күні Алматыдағы әл-Фараби даңғылында болған жол-көлік оқиғасында үш адам қаза тапқан еді. Бұл іс бойынша негізгі күдікті тергеу изоляторына қамалған. Қазіргі таңда құқық қорғау органдары оқиғаның барлық мән-жайын анықтап, процессуалдық шешім қабылдауға дайындалып жатыр.