Этносаралық келісімдердің басым бағыттары айқындалды

Мемлекеттік кеңесші Ерлан Қарин этносаралық келісімді нығайту мәселелері бойынша республикалық жиын өткізіп, нақты міндеттер жүктеді. Басқосуға Президент Әкімшілігінің құрылымдық бөлім басшылары мен орталық мемлекеттік органдардың өкілдері қатысты. Онда этносаралық қатынастар саласындағы өзекті мәселелер қаралды. Ерлан Қарин жаңа Конституция қағидаттарын тиімді іске асыруға және қоғамдағы тұрақтылықты қамтамасыз етуге бағытталған бірыңғай тәсіл қалыптастырудың маңызын атап өтті.