Еліміздің бес өңірінде 2800-ден аса көлік айыппұл тұрағына қойылды

Жедел-профилактикалық іс-шара аясында елдің бес өңірінде 22 мыңнан астам құқық бұзушылық анықталған. Олардың қатарында мас күйінде көлік жүргізу, жолдың қарсы бағытына шығу және жалған нөмір пайдалану деректері бар. Тексеру нәтижесінде 2800-ден астам автокөлік айыппұл тұрағына қойылып, 450-ден астам мемлекеттік тіркеу нөмірі тәркіленді. Министрлік мұндай шаралар жол-көлік оқиғаларының алдын алу және азаматтардың қауіпсіздігін қамтамасыз ету мақсатында тұрақты түрде жалғасатынын атап өтті. Сондай-ақ жүргізушілерге жол қозғалысы ережелерін қатаң сақтауды ескертті.