6500 оқушы бейбітшілік нышаны - ақ көгершінді бейнеледі

«Бірлік – бейбітшілік бесігі». Алматыда 6500 оқушының қатысуымен ерекше флешмоб өтті. Қазақстан халқының бірлігі күніне орай ұйымдастырылған мерекелік шарада шәкірттер бейбітшілік нышаны – ақ көгершінді бейнеледі. Оқушылардың үйлесімді қимыл-қозғалысы, «Ақ көгершін» әнін бірге шырқауы келушілерді таң-тамаша етті. Ерекше форматтағы шара арқылы жас ұрпаққа түрлі ұлттар мен ұлыстар арасындағы татулық пен ынтымақты дәріптеуге тырыстық дейді ұйымдастырушылар. Мерекелік бағдарлама аясында әртүрлі этнос өкілдері өздерінің ұлттық өнерін көрсетіп, Қазақстан халқының мәдени сан алуандығын, тату тірлігін паш етті.

Зулайхо Исмаилова, №56 гимназия оқушысы:

Бұл флешмоб маған үлкен әсер етті. Себебі достарыммен өте жақсы уақыт өткіздім. Менде өте көп досым бар, олардың ұлттары әртүрлі.

Ақнұр Нұрәлиева, Медеу аудандық білім бөлімінің басшысы:

Бұл шараның негізгі мақсаты – барлық оқушының, бүгін елімізде бір шаңырақ астында тұрып жатқан әртүрлі ұлт пен ұлыстың тату-тәтті өмір сүріп жатқанын айқындайтын ерекше күн екенін атап өту.