Соңғы 3 жылда 100-ден астам бала терезеден құлаған

Ресми деректерге сәйкес, соңғы үш жылда 100-ден астам бала көпқабатты үйдің терезесінен құлап, көз жұмған. 600-ге жуық жеткіншек түрлі жарақат алған.

Мамандардың айтуынша, мұндай қайғылы жағдайлар көбіне балаларды ата-ана қарауынсыз қалдыру, терезелерге қорғаныш құралдарын орнатпау сынды қарапайым қауіпсіздік ережелерін сақтамаудан болады. Әсіресе жаз мезгілінде қайғылы жағдайлар саны көбейеді. Мәселен, 2024 жылы дәрігерлердің көмегіне 12 мыңға жуық ата-ана жүгінген. Ал былтырғы көрсеткіш он пайызға артқан.

Асылхан Жағыпаров, балалар ауруханасы травматология бөлімінің меңгерушісі:

Жыл өткен сайын балалардың жарақаттануы әлеуметтік мәселеге айналып келеді. Самокаттардың көбеюі, балалардың велосипедпен жиі жүруі, сондай-ақ ашық қалған терезелерден құлау жағдайлары жиілеп отыр.