Астаналық оқушы «Су ізі» атты арнайы платформа әзірледі

Астаналық оқушы «Су ізі» атты арнайы платформа әзірледі. Бұл жүйе әрбір қолданушыға өзінің қанша су тұтынатыны туралы толық ақпарат алуға мүмкіндік береді.Жүйе енгізілген деректерді автоматты түрде өңдеп, ұсынысын жасайды. Су ресурстары және ирригация министрі Нұржан Нұржігітов жобаның авторымен және оған жетекшілік еткен №91 мектеп-гимназиясының педагогтерімен кездесті. Кездесу қорытындысы бойынша, «Су ресурстарының ақпараттық-талдау орталығы» Мен Жәңгір Әбуовтың ата-анасы арасында «Су ізі» бағдарламасын әзірлеу бойынша ынтымақтастық туралы келісімге қол қойылды. Құжат интерактивті платформаны жетілдіру және енгізу бағытында бірлескен жұмысты көздейді.
Жәңгір Әбуов,  Астана қаласындағы №91 мектеп-гимназиясының 10-сынып оқушысы:

Сұрақтарға жауап беріп, текстілеуден өтесіз. 17 сұрақ қойылады. Ол қарапайым сұрақтар, күнделікті қанша су тұтынасыз, күнделікті әдетіңіз жайлы сауалдарға жауап беріп, шамамен 2 минуттың ішінде жауап алуға болады. Платформа су тұтынуды азайтуға және күнделікті өмірде су үнемдеу тәжірибесін енгізуге бағытталған жеке ұсыныстарын береді.