Жанабыловтар ісі бойынша сот үкімі шықты

Астанада атышулы іске нүкте қойылды. Ерлі-зайыпты блогерлерге қатысты сот үкімі шықты. Ұтыс ойынын ұйымдастырып, қоғамда резонанс тудырған Жанабыловтар кінәсін мойындап, прокурормен процессуалдық келісімге келген. Нәтижесінде, Ерболат Жанабылов 2 жылға шартты түрде бас бостандығынан айырылды, және мүлкі тәркіленеді. Ал жұбайы Эльмира Төлегенова 2 жылға сотталып, жазаны өтеу мерзімі 2 жылға кейінге қалдырылды. Сотта сондай-ақ, келтірілген 247 миллион теңге залалдың толық өтелгені хабарланды.