Түркістан облысында жас шахматшылардың турнирі өтті

Түркістан облысы, Бәйдібек ауданында ауыл балаларының шахмат ойынына қызығушылығын арттыу мақсатында облыстық турнир ұйымдастырылды. Ел Тәуелсіздігінің 35 жылдығына орай және ұлағатты ұстаз Жәділ Қожамұратұлын еске алуға арналған дәстүрлі жарысқа өңірдің барлық аудан-қалаларынан және Жамбыл облысынан 100-ге тарта бала қатысты. Олардың арасында облыстық, республикалық жарыстардың жеңімпазы, Азия чемпионатында жүлделі орындарға іліккен өрендер де бар. Мектеп оқушылары арасында дарынды шахматшылардың басын қосатын маңызды зияткерлік дода облыстың шахмат күнтізбесіндегі ең ірі, әрі тартысты жарыстардың біріне айналып отыр.

Мен қазір облыстық, аудандық және топтық жарыстарға қатыстым. Олардың арасында мен бірінші орын, екінші орын және үшінші орындарды алдым. Менің болашақтағы арманым гроссмейстер болу. Менің қазіргі разрядым екінші разряд.

Облысымыздың түкпір-түкпірінен талантты балалар келіп жатыр. Солар келіп үлкен тәжірибе болып жатыр қазір жергілікті жас өрендерге. Керемет ойындарын көрсетіп көзге түсіп жүр. Қазір Түркістан облысы Қазақстан чемпионатында үшінші орынға тұрақтап тарихи жетістікке қол жеткізді.