Семейде «Адал адам – адал еңбек» жәрмеңкесі өтті

Семейде «Адал адам – адал еңбек» атты бос жұмыс орындары жәрмеңкесі өтті. Әлеуметтік маңызды шара жұмыс берушілер мен жұмыс іздегендер үшін таптырмас алаң. Жәрмеңкеге 26 мекеме қатысып, 135 бос жұмыс орнын ұсынады. Жалпы, өңірде 685 жұмыс орны бар. Негізінен мүгедектігі бар азаматтар, пробация есебіндегі және бас бостандығынан босап келген тұлғаларды жұмыспен қамтуға басымдық берілді. Сонымен қатар колледж бен жоғары оқу орнын жаңа бітірген түлектер үшін алғашқы жұмысқа орналасуға мүмкіндік бар. Биыл облыста 13 мыңнан астам жаңа жұмыс орнын құру жоспарланса, оның үштен бірі қазірдің өзінде іске асқан. Ұйымдастырушылардың айтуынша, жәрмеңке адал еңбекке сұранысты арттырып, халықтың табысын көбейтуге ықпал етеді.

4 курс студентімін. Бастауыш мұғалімі мамандығында білім алып жатырмын. Бүгін біз оқу орнымызбен бірге осы «Адал адам – адал еңбек» жәрмеңкесіне келдік. Көптеген мағлұмат алып, өзімізге керекті ақпараттарды жинаймыз деген ойдамын.

Абай облысының әкімдігі, облыстық прокуратурамен бірлесіп, Президентіміздің тапсырмасына сәйкес «Адал еңбек – адал азамат» акциясы арқылы бос орындар жәрмеңкесін ұйымдастырып отырмыз. Қазіргі таңда 685 бос жұмыс орыны ұсынылып отыр. Біздің жәрмеңкенің басты мақсаты – әлеуметтік осал азаматтарды, мүмкіндігі шектеулі азаматтарды, сонымен қатар пробация қызметінде есепте тұрған азаматтарды жұмыспен қамту.