Мәслихаттың рөлі артып, уәкілеттілігі күшейеді

Көрмеде сондай-ақ Орталық Азия елдерінің тәжірибе алмасу және экологиялық жобаларға инвестициялар тарту үшін платформасы жасақталады. Тұрақты дамудың элементі ретінде Қазақстанның туристік әлеуеті де көрсетіледі. Енді өзге де ақпарат. Елімізде мәслихаттардың рөлі артып, уәкілеттілігі күшейе түспек. Бүгін Мәжілісте «жергілікті мемлекеттік басқару және өзін-өзі басқару туралы» заң жобасы бірінші оқылымда мақұлданды. Баяндамашы ұсынылып отырған нормалар мәслихаттардың рөлін арттыратынын айтады. Заң жобасына өңірлердің қаржылық дербестігін күшейтуге бағытталған нормалар енгізіліп отыр. Жергілікті бюджеттерге тағы үш түрлі төлем мен айыппұл берілмек.

Осылайша жергілікті өзін-өзі басқару органдары қаражатты бөлуге және шешім қабылдауда көбірек еркіндік алады. Мәслихат қызметінің ашықтығын арттыру және цифрландыру көзделіп отыр. Мысалы сессияларды онлайн көрсету, құжаттарды жариялау және хат алмасуды жүргізу талаптары енгізіледі. Заң жобасы арқылы депутаттардың жауапкершілігі күшейтіледі және мәслихат төрағасының өкілеттік мерзімі шектеледі.