Мамырда зейнетақы жинағының ең төменгі жеткілікті шегі өзгеруі мүмкін

Зейнетақы жинағының ең төменгі жеткілікті шегі мамырда өзгеруі мүмкін. Мұны Еңбек және халықты әлеуметтік қорғау министрі Асқарбек Ертаев Үкіметтегі брифингте айтты. Зейнетақыдағы қаржыны пайдаланатындар саны артқан. Соңғы 5 жылда қазақстандықтар зейнетақы қорынан шамамен 5 триллион теңге шешіп алған. Бұлай жалғаса берсе, қор көздеген мақсатына жетпейді дейді министр.
Асқарбек Ертаев, ҚР Еңбек және халықты әлеуметтік қорғау министрі:

Жалпы біздің жоспарымыз қандай, келесі айдың аяғына дейін өзгерісті енгізу. Біздің мақсатымыз, әр азамат зейнетке шыққан кезінде табысын жоғары жасау мақсатымыз ғой. Сол себепті азаматтар өзінің болашағын ойлау керек. Біздің мақсатымыз қордан аз шешу, көп жинақтау.