Басты Жаңалықтар ПД: Интернет алаяқтық 1,5 пайызға төмендеді

ПД: Интернет алаяқтық 1,5 пайызға төмендеді

17.04.2026 11:36

Алматыда интернет алаяқтық 1,5 пайызға төмендеген. Қалалық Полиция департаменті осылай деп отыр. Қазіргі таңда киберқылмысқа қарсы арнайы басқарманың жұмысы қарқынды жүргізіліп жатыр. Білікті ІТ мамандар полиция қызметкерлерімен бірлесе отырып, алаяқтық әрекеттерді анықтап, күмәнді сайттар мен ресурстарды бұғаттауда. Мәселен, былтыр интернет алаяқтыққа 2 мыңнан аса тұрғын шағымданған. Алайда арнайы операциялар арқасында 700 млн теңге қайтарылды, дейді полиция өкілдері.

Салтанат Әзірбек, қалалық ПД ресми өкілі:

Үш айда 2 мыңнан аса интернет желілер бұғатталды. Бұл арқылы азаматтарды алдап, арбау деректерінің бар болғаны көзіміз жеткеннен кейін кибербақылау жүйесі арқылы бұғатталды. Азаматтар интернет алаяқтықтардың айласы жайлы білді. Яғни, білген адам міндетті түрде сақ болады. Жұртқа сенгіш болмайды.

Бөлісу