«Таза Қазақстан» ШҚО-да жалпыхалықтық жобаға айналды

Екі жыл бұрын басталған «Таза Қазақстан» акциясы өз нәтижесін берді. Бұл акция қазір жалпыхалықтық жобаға айналды. Сондықтан ешкім тыс қалмайды. Нәтижесінде қоғамда экологиялық мәдениет қалыптасып келеді. Жыл он екі ай өтетін тазалық шарасына тек былтыр Шығыс Қазақстан облысында 300 мыңға жуық адам қатысып, 500 мың тонна қоқыс шығарылды. Жазда саябақ пен өзен-көл тазартылып, тарихи ескерткіштің маңы абаттандырылды. Ал қыста волонтерлер қар шығаруға көмектесті. Осы шара басталғалы қатысып келе жатқан шығыстағы эко белсенділер бүгін Ұлан ауданында бас қосып, былтыр атқарған жұмысын қорытындылап, жаздағы шаруларына жоспар жасады. Биыл өңірде бұл жоба «Тазалыққа қадам жаса» атауымен өткізілмек.

Тазалығымыз да жанданып келе жатыр. Бұл уақытта аудан ардагерлері де әрқашан көмегімізді көрсетіп жүреміз. Жастарға үлгі болатындай іске кірісіп, екі жыл болды алдымен біз аудандағы ардагерлер аллеясын тазартудан бастаймыз.