Алматыдағы дәріханаларға мониторинг жүргізілді

Алматыда 60-қа жуық дәріханаға мамандар арнайы мониторинг жүргізді.

Бұл туралы қалалық қоғамдық коммуникациялар орталығында айтылды. Іс-шара барысында дәріханаларда сатылатын дәрі-дәрмектердің құнына кешенді талдау жасалды.  Мамандар олардың баға деңгейі мен халық үшін қолжетімділігін бағалады. Әлеуметтік маңызы бар бірқатар дәрі-дәрмекке арнайы шекті баға енгізілген еді. Бұл тетік белгілі бір препараттардың құны белгіленген деңгейден аспауын қамтамасыз етуге бағытталған. Мониторинг нәтижесінде аталған талаптардың сақталу деңгейі зерделеніп, баға тұрақтылығын қамтамасыз ету бойынша тиісті қорытындылар жасалды.

Баға әр жерде әртүрлі, ана дәріханада мынанша тұруы мүмкін, мына жерде 200-300 теңге қымбатырақ тұруы мүмкін. Оны да байқадық. Оның бәрін жазып, ұсынысымызды айттық. Дәріханаға кірсеңіздер, көрсетілген бағаны көрмейсіздер. Бағасын кассаға барғаннан кейін айтады. Сондықтан мына тауарларға бағасын қойса деп жаздық.